Քրիստոնէական բարոյականը հիմնուած է Քրիստոսի եւ Անոր ուսուցումներուն վրայ: Ի՞նչ էր Աստուածորդիին ուսուցումներուն եւ քարոզխօսութեանց հիմնական նպատակակէտը. ՍԷ՛Ր ԱՌ ԱՍՏՈՒԱԾ ԵՒ ՍԷ՛Ր ԱՌ ՄԱՐԴԻԿ: Այսօրուան մեր ընկերութեան թատերաբեմը լեցուն է պէս-պէս մարդոցմով, որոնց սէրը պայմանաւորուած, պատճառաւորուած հիմունքներու վրայ ամրակայուած է: Քրիստոնէական հասկացողութեամբ երեք տեսակի սէր կայ. առաջին` «պայմանական» սէր, որուն կարգախօսը «եթէ»-ն է, իսկ պտուղը` շահը: Երկրորդ` «պատճառաւոր» սէր, որուն նշանաբանը «որովհետեւ»-ն է, իսկ արգասիքը` տուեալ անձին կամքը: Երրորդ` «ճշմարիտ» սէր, որ հիմնուած է անշահախնդիր, անպատճառաւորուած եւ անպայմանաւորուած սիրոյ վրայ: Պօղոս առաքեալ կ՛ըսէ. «Սէր ունեցողը համբերատար կ՛ըլլայ եւ քաղցրաբարոյ: Սէր ունեցողը չի նախանձիր, չի գոռոզանար, անպատշաճ վարմունք չ՛ունենար, միայն ինքզինք չի մտածեր, բարկութեամբ չի գրգռուիր, չարութիւն չի խորհիր, անիրաւութեան վրայ չ՛ուրախանար, այլ ուրախակից կ՛ըլլայ ճշմարտութեան: Սէր ունեցողը միշտ կը զիջի, միշտ կը հաւատայ, միշտ կը յուսայ եւ միշտ կը համբերէ» (Ա.Կր. 13.4-7):
«Ամէն անգամ որ գտնուած եմ մարդոց ընկերութեան մէջ, դարձած եմ նուազ մարդ», կ՛ըսէ Սենեկա: Աշխարհը լի է կողմնակցութեան համակիր, պատիր դիմակաւոր եւ կեղծաւոր մարդուկներով, որոնք քեզի ժպտաշուրթն կը ներկայանան, կ՛ողջագուրուին պիղծ համբոյրներով, մինչդեռ ընկրկումդ ու նահանջդ կ՛ոգեւորեն զանոնք, իսկ յառաջխաղացքդ կը մտատանջէ ու կ՛անհանգստացնէ: Նմանէ Քրիստոսի, եւ օրինակելի կեցուածքովդ եւ քրիստոսատիպ վարքովդ օրինակ դարձիր անոնց, որովհետեւ իրենց սիրտը պատուած է որոմներով…
«Ամէն անգամ որ գտնուած եմ մարդոց ընկերութեան մէջ, դարձած եմ նուազ մարդ», կ՛ըսէ Սենեկա: Աշխարհը լի է կողմնակցութեան համակիր, պատիր դիմակաւոր եւ կեղծաւոր մարդուկներով, որոնք քեզի ժպտաշուրթն կը ներկայանան, կ՛ողջագուրուին պիղծ համբոյրներով, մինչդեռ ընկրկումդ ու նահանջդ կ՛ոգեւորեն զանոնք, իսկ յառաջխաղացքդ կը մտատանջէ ու կ՛անհանգստացնէ: Նմանէ Քրիստոսի, եւ օրինակելի կեցուածքովդ եւ քրիստոսատիպ վարքովդ օրինակ դարձիր անոնց, որովհետեւ իրենց սիրտը պատուած է որոմներով…
RSS Feed
