Շարականներ - Liturgical Hymns
|
Ծննդեան Ճրագալոյցի - Eve of Nativity
Անկանիմք առաջի քո Աստուածածին
եւ աղաչեմք զանարատ զկոյսդ: Բարեխօսեա վասն անձանց մերոց. եւ աղաչեա զՄիածին Որդին: |
Ծննդեան - Nativity
Խորհուրդ մեծ և սքանչելի որ յայսմ աւուր յայտնեցաւ,
Հովիւքն երգեն ընդ հրեշտակս` տան աւետիս աշխարհի: Ծնաւ նոր արքայ ի Բեթղեհեմ քաղաքի, Որդիք մարդկան, օրհնեցէք, զի վասն մեր մարմնացաւ: Անբաւելին երկնի և երկրի ի խանձարուրս պատեցաւ, Ոչ մեկնելով ի հօրէ` ի սուրբ այրին բազմեցաւ: |
|
Ծննդեան - Nativity
|
Այսօր ձայնն Հայրական յերկնից իջեալ հաճոյական, սիրեցելոյ Որդւոյ վկայ, այ յորդորէ, գետ, յորդորէ գետ Յորդանան յորդորական ձայնիւ երգէր մեծ կարապետն Յովհաննէս: |
Ապաշխարութեան - Penance
|
|
Անկանիմ Առաջի Քո եւ խնդրեմ զթողութիւն յանցանաց իմոց.
մի անտես առներ, Հայր, զաղաչանս իմ: Աղաղակեմ որպէս մաքսաւորն. եւ հեղում զարտասուս իմ առաջի Քո որպէս պոռնիկն. մի անտես առներ, Հայր, զաղաչանս իմ: Յաներեւոյթ թշնամւոյն պարտեցայ, եւ ի գաղտնի նետից բանսարկուին վիրաւորեցայ, մի անտես առներ, Հայր, զաղաչանս իմ: |
|
Ծով կենցաղոյս հանապազ զիս ալէկոծէ,
Մրրկեալ ալիք թշնամին զիս յարուցանէ, Նաւապետ բարի, լեր անձին իմոյ ապաւէն: |
յԱմենայն ժամ աղաչանք իմ այս են՝
Ի մեղաց իմոց սուրբ արա զիս, Տէր։ Յանցանաց իմոց զարհուրի սիրտ իմ, Աղաչեմ զքեզ, թող ինձ, Տէր։ Ողորմեա Տէր: Արտասուաց իմոց մի լռեր, Տէր, Զի պանդուխտ եմ ես յանցաւոր երկրի։ |
|
Օրհնութիւն Պահոց (բկ) - Blessing of Fasting (tone 4)
Մեղայ քեզ Տէր, մեղայ ողորմեա։
Մեղայ անօրինեցայ եւ մատնեցայ ի ձեռս անօրէն թըշնամւոյն. արդ անկեալ աղաչեմ թող ինձ Տէր։ Քան զամենեսեան առաւել մեղայ Տէր իմ գթած, քան զամենեսեան անօրինեցայ եւ մատնեցայ ի ձեռս անօրէն թըշնամւոյն. արդ անկեալ աղաչեմ թող ինձ Տէր։ |
Օրհնութիւն Պահոց (աձ) - Blessing of Fasting (tone 1)
Ի նեղութեան իմում օգնեա ինձ, Տէր, Որպէս երբեմն Յովնանու,
Եւ ողորմեա։ Ի յանցանաց իմոց մաքրեա զիս, Տէր, Որպէս երբեմն զմաքսաւորն, Եւ ողորմեա։ Ի նենգաւոր շրթանց փրկեա զիս, Տէր, եւ յարենէ ապրեցո Եւ ողորմեա։ |
|
Ս. Յարութեան - Holy Resurrection
|
Գովեա Երուսաղէմ զՏէր: Յարեաւ Քրիստոս ի մեռելոց. ալէլուիա: Եկայք ժողովուրդք. երգեցէք Տեառն` ալէլուիա: Փառք Հօր եւ Որդւոյ եւ Հոգւոյն Սրբոյ այժմ եւ միշտ եւ յավիտենս յաւիտենից ամէն: Յարուցելոյն ի մեռելոց ալէլուիա, որ զաշխարհս լուսաւորեաց, ալէլուիա: |
|
_Օրհն. (բկ) Յինանց եւ ամն. Կիւրակէից - Blessing of Eastertide and Sundays (Tone 4)
Փառաւոն հանդերձ կառօք ընկղմեցաւ ի հոսանս ջուրց. եւ որդիքն իսրայէլի գնացին ընդ ցամաքն ի մէջ ծովուն։
Յորժամ հերձեաց Մովսէս խաչանիշ գաւազանաւն, պատառեցան անդունդք, եւ առաջնորդէր նոցա անմեկնելի լոյսն։ |
Յարութեան Շրկ. Հարց (գձ) - Resurrection Hymn, Sect. II, Tone 5
Երկըրպագեմք քեզ Քրիստոս որ ի ձեռըն սրբոց առաքելոցըն ծանուցար մեզ, Տէր Աստուած հարցըն մերոց։
Օրհնեցէք, յամենայն գործք զՏէր, գովեցէք եւ առաւել բարձր արարէք զնա յաւիտեան։ Երկինք, աստեղ օրհնեցէք։ |
Տօն Ս. Էջմիածնի եւ Հայրապետաց - Feast of Holy Etchmiadzin & Patriarchs
|
|
Էջ Միածինն ի Հօրէ եւ լոյս փառաց ընդ նմա, ձայնք հնչեցին սանդարամետք անդնդոց: Տեսեալ զլոյս մեծ հայրապետին Գրիգորի, պատմէր ցնծութեամբ հաւատացեալ արքային: Եկայք շինեսցուք սուրբ զխորանն լուսոյ. քանզի ի սմա ծագեաց մեզ լոյս ի Հայաստան աշխարհի: |
Ս. Աստուածածնի - Holy Mother of God
|
_Անթառամ ծաղիկ,Անդատապարտ շառաւիղ. Վերաբուսեալ յարմատոյն յեսեայ. զքեզ եսայիաս կանխաւ վերագոչեաց եօթնարփեան շնորհաց հոգւոյն ընդունարան գոլ` Աստուածածին եւ կոյս. զքեզ մեծացուցանեմք:
|
Այսօր ցնծան երկնայինքն եւ պար առեալ ի բարձունս երգեն զերգս հոգեւորս յաւուր ծննդեան Սրբուհւոյն: Այսօր վերինն Սիովն գոչեն զերգս սրովբէիցն. զերեքսրբեանն ասելով յաւուր ծննդեան Սրբուհւոյն: Այսօր աստեղք եւ լուսին ընդ արեւու հրճուելով. գովեն զլոյսն ի Հօրէ յաւուր ծննդեան լուսոյ մօրն:
|
Տէրունեաց եւ Մարտիրոսաց (գկ) - Dominical and Martyrs (Tone 6)
|
|
Յանսկզբնական ծոցոյ Հօր խոնարհեալ Բանդ մարմնացար ի Կուսէն վասն փրկութեան մերոյ, աղաչե'մք զքեզ, զննջեցեալսն մեր ի քեզ ուղիղ հաւատով յիշեա', Տէ'ր, յորժամ գաս թագաւորութեամբդ քո:
Անոխակալ քաղցրութեամբ, Որդի' Աստուծոյ, հաճեցար բառնալ զմեղս աշխարհի քո խաչելութեամբն, աղաչե'մք զքեզ, զննջեցեալսն մեր ի քեզ ուղիղ հաւատով յիշեա', Տէ'ր, յորժամ գաս թագաւորութեամբդ քո: Կամաւորական մահուամբ քո լուծեր զերկունս մահու եւ արժանի արարեր թողութեան յանցանաց քաւիչ քո արեամբ, աղաչե'մք զքեզ, զննջեցեալսն մեր ի քեզ ուղիղ հաւատով յիշեա', Տէ'ր, յորժամ գաս թագաւորութեամբդ քո: Մանկունքն գերեալք ի մէջ հընոցին քեզ օրհնէին Աստուած հարցն մերոց։ Խոստումն Աբրահամու զոր խոստացար Աստուած, առաքեա եւ փրկեա զապաւինեալս ի քեզ Աստուած հարցն մերոց։ Հողիղէն ճանապարհըդ քո Աստուած, մեղուցեալ յանցաւորաց ողորմութիւն շնորհեա Աստուած հարցն մերոց։ |
Օրհնութեան Շրկ. Սրբոց Հռիփսիմեանց - Blessing Hymn of Sts. Hribsipe Martyrs
|
|
Անձինք նուիրեալք սիրոյն Քրիստոսի.
երկնաւոր նահատակք եւ կուսանք իմաստունք. ի պարծանս ձեր բարձրացեալ տօնէ մայր Սիովն դստերօքն իւրովք: Բարբառք երկնաւորք լցին զերկիր, քանզի հոտ անուշից բուրեցայք ի Քրիստոս, ողջակէզք բանաւորք եւ զոհք փրկութեան եւ որոջք անարատք ընծայեալք Աստուծոյ: Գեղեցկութիւնք մարմնաւոր պայծառութեան ձերոյ յիմարեցոյց զթագաւորն, եւ պակեան հեթանոսք. ի գեղ սքանչելի աստուածատուր կուսանացն տարփացեալ զուարթունքն ընդ մարդկան տօնեցին: Դարձեալ վերստին արարչագործ զօրութիւն եւ դարձեալ եդեմ աստուածատունկ զարդարի, քանզի ծառն կենաց տնկեցաւ ի դրախտին` բերելով մեզ պտուղ զերանելին Հռիփսիմէ: |
|
Սրբոց Վարդանանց - Sts. Vartanants
|
Նորահրաշ պսակաւոր. եւ զօրագլուխ առաքինեաց. վառեցար զինու հոգւոյն արիաբար ընդդէմ մահու. Վարդան քաջ նահատակ որ վանեցեր զթշնամին, վարդագոյն արեամբդ քո պսակեցեր զեկեղեցի: Երկնաւոր թագաւորին զինու յաղթեալ պատերազմին, խոհական իմաստութեամբ խոհեմացեալ անճառապէս. Խորէն խորհրդական եւ ծանուցեալ անուն բարի, խաչելոյն վկայ եղեալ հեղմամբ արեան պսակեցաւ: |
