Ժամերգութիւն - Church Hours
Գիշերային Ժամ - Night Hour
Առաւօտ լուսոյ - Morning of Light
|
|
Առաւօտ լուսոյ, արեգակն արդար, առ իս լոյս ծագեա: Բղխումն ի Հօրէ, բղխեա ի հոգւոյս, բան քեզ ի հաճոյս:
Գանձդ ողորմութեան, գանձիդ ծածկելոյ գտող զիս արա: Դուռն ողորմութեան, դաւանողիս բաց, դասեցո վերնոցն:
Երրեակ միութիւն, եղելոց խնամող, եւ ինձ ողորմեա: Զարթիր, Տէր, օգնել. զարթո զթմրեալս, զուարթնոց նմանիլ:
Էդ Հայր անսկիզբն, էակից Որդի, է միշտ Սուրբ Հոգի: Ընկալ զիս գթած, ընկալ ողորմած, ընկալ մարդասէր:
Գանձդ ողորմութեան, գանձիդ ծածկելոյ գտող զիս արա: Դուռն ողորմութեան, դաւանողիս բաց, դասեցո վերնոցն:
Երրեակ միութիւն, եղելոց խնամող, եւ ինձ ողորմեա: Զարթիր, Տէր, օգնել. զարթո զթմրեալս, զուարթնոց նմանիլ:
Էդ Հայր անսկիզբն, էակից Որդի, է միշտ Սուրբ Հոգի: Ընկալ զիս գթած, ընկալ ողորմած, ընկալ մարդասէր:
|
|
Առաւօտ լուսոյ, արեգակն արդար, առ իս լոյս ծագեա: Բղխումն ի Հօրէ, բղխեա ի հոգւոյս, բան քեզ ի հաճոյս:
Գանձդ ողորմութեան, գանձիդ ծածկելոյ գտող զիս արա: Դուռն ողորմութեան, դաւանողիս բաց, դասեցո վերնոցն:
Երրեակ միութիւն, եղելոց խնամող, եւ ինձ ողորմեա: Զարթիր, Տէր, օգնել. զարթո զթմրեալս, զուարթնոց նմանիլ:
Էդ Հայր անսկիզբն, էակից Որդի, է միշտ Սուրբ Հոգի: Ընկալ զիս գթած, ընկալ ողորմած, ընկալ մարդասէր:
Գանձդ ողորմութեան, գանձիդ ծածկելոյ գտող զիս արա: Դուռն ողորմութեան, դաւանողիս բաց, դասեցո վերնոցն:
Երրեակ միութիւն, եղելոց խնամող, եւ ինձ ողորմեա: Զարթիր, Տէր, օգնել. զարթո զթմրեալս, զուարթնոց նմանիլ:
Էդ Հայր անսկիզբն, էակից Որդի, է միշտ Սուրբ Հոգի: Ընկալ զիս գթած, ընկալ ողորմած, ընկալ մարդասէր:
Տարածեալ - Spreading hands
|
Տարածեալ ձեռք ընդ ձեռաց Ոտք ընդ ոտից ընթանալեաց. Փայտ ընդ փայտի դառն պտղոյ Կեանք ընդ մահու փոխարկելով. Ի մէջ երկուց անօրինաց Կայր մերկացեալ տուողն օրինաց. Զոր ոչ տեսին ազգն կուրաց Բայց ի միոյն յաւազակաց: Փառք քեզ Տէր Աստուած: |
Առաւօտեան Ժամ - Morning Hour
Փառք ի բարձունս - Gloria in Excelsis
|
Փառք ի բարձունս Աստուծոյ, եւ յերկիր խաղաղութիւն, ի մարդիկ հաճութիւն: Եւ օրհնութիւն քեզ ի բարձունս, օրհնեալ ես Տէր Աստուած մեր. օրհնեմք զքեզ եւ գովեմք զքեզ: Խոստովանիմք Տէր զքեզ եւ երկիր պագանեմք քեզ. փառաւորեմք զքեզ. գոհանամք Տէր զքէն վասն մեծի փառաց քոց: Տէր թագաւոր սուրբդ երկնային. Աստուած եւ Հայր ամենակալ: Տէր եւ Որդի Հօր միածին Յիսուս Քրիստոս եւ սուրբ Որդի: Տէր Աստուած Գառն Աստուծոյ եւ Որդի Հօր. որ առեր զմերս ի կուսէն: Ողորմեցար, բարձեր զմեղս աշխարհի. եւ արդ ընկալ զաղաչանս մեր: Սուրբդ որ նստիս ընդ աջմէ Հօր ողորմեաց մեզ:
Զի դու միայն սուրբ՝ դու միայն բարձրեալ ես, դու միայն Տէր մեր Յիսուս Քրիստոս: Տէր եւ Հոգիդ Սուրբ՝ որ ի փառս Աստուած ընդ Հօր. ամէն: |
Եւ յամենայն ժամ օրհնեմք զքեզ, Տէր, եւ գովեմք զանուն սուրբ քո յաւիտեան եւ յաւիտեանս յաւիտենից: Արժանի արա Տէր զօրս զայս խաղաղութեամբ եւ առանց մեղաց պահեա զմեզ: Օրհնեալ ես Տէր Աստուած հարցն մերոց. գովեալ եւ փառաւորեալ է անուն սուրբ քո յաւիտեանս ամէն:
Օրհնեալ Տէր՝ ուսո՛ ինձ զարդարութիւնս քո, (երիցս կրկնեա): Տէր ապաւէն եղեր մեր ազգէ յազգ: Ես աղաչեմ Տէր ողորմեա ինձ եւ բժշկեա զանձն իմ, ես մեղայ քեզ: Ցոյց մեզ Տէր զողորմութիւնս քո. եւ զփրկութիւնս քո տուր մեզ: Տէր ողորմութիւն քո յաւիտեան. զգործս ձեռաց քոց մի՛ անտես առներ: Տէր իմ զքեզ ապաւէն ինձ արարի. ուսո ինձ առնել զկամս քո, զի դու ես Աստուած իմ: Ի քէն է Տէր՝ աղբիւր կենդանութեան եւ լուսով երեսաց քոց տեսանեմք զլոյս: Ծագեա զողորմութիւնս քո՝ որք ճանաչեն զքեզ Տէր:
Օրհնեալ Տէր՝ ուսո՛ ինձ զարդարութիւնս քո, (երիցս կրկնեա): Տէր ապաւէն եղեր մեր ազգէ յազգ: Ես աղաչեմ Տէր ողորմեա ինձ եւ բժշկեա զանձն իմ, ես մեղայ քեզ: Ցոյց մեզ Տէր զողորմութիւնս քո. եւ զփրկութիւնս քո տուր մեզ: Տէր ողորմութիւն քո յաւիտեան. զգործս ձեռաց քոց մի՛ անտես առներ: Տէր իմ զքեզ ապաւէն ինձ արարի. ուսո ինձ առնել զկամս քո, զի դու ես Աստուած իմ: Ի քէն է Տէր՝ աղբիւր կենդանութեան եւ լուսով երեսաց քոց տեսանեմք զլոյս: Ծագեա զողորմութիւնս քո՝ որք ճանաչեն զքեզ Տէր:
Արի, Տէր, օգնեա' մեզ - Come O Lord, help us
|
Արի, Տէր, օգնեա' մեզ եւ փրկեա' զմեզ վասն անուան քո: Արի եւ մի մերժեր զմեզ ի սպառ վասն անուան քոյ: Թագաւորեսցէ Տէր յաւիտեան, Աստուած քո, Սիոն, ազգէ յազգ: Օրհնեա, անձն իմ, զՏէր. օրհնեցից զՏէր ի կենդանութեան իմոյ: Օրթի: Խաղաղութիւն ամենեցուն: Եւ ընդ հոգւոյդ քում: Երկիւղածութեամբ լուարուք: Սրբոյ աւետարանիս Յիսուսի Քրիստոսի, որ ըստ Մատթէոսի: Փառք քեզ, Տէր Աստուած մեր: Պռօսխումէ: Ասէ Աստուած: |
Արեւագալի Ժամ - Sunrise Hour
Յարեւելից մինչ ի մուտս. ի հիւսիսոյ եւ ի հարաւոյ. ամենայն ազգք եւ ազինք, յօրհնութիւն նոր օրհնեցէք զարարիչն արարածոց, որ ծագեաց զլոյս արեգականն այսօր յաշխարհս:
Եկեղեցիք արդարոց. փառաբանիչք Ամենասուրբ Երրորդութեանն. յառաւօտս լուսոյ զառաւօտ խաղաղութեան Քրիստոս գովեցէք ընդ Հօր եւ Հոգւոյն, որ ծագեաց զլոյս գիտութեանն իւրոյ ի մեզ: |
Յարևելից յարևմուտս, մանկունք Սիովնի, օրհնեցէք միշտ անդադար զծագողն լուսոյ:
Եկեղեցիք արդարոց և փառաբանիչք, բարեբանեցէք որ ետ զիմաստս լուսոյ: |
Ճգնաւորք Աստուծոյ, եւ ժառանգորդք երկնից արքայութեանն,
որք փոխանակեալք զանցաւորս առիք զանանցն բարութիւնսն. բարեխօսեցէք առ Տէր վասն մանկանց եկեղեցւոյ: Նահատակք պանծալիք, և սիրեցեալք ի յերկնաւոր Հօրէն, որք մկրտեցայք ընդ Քրիստոսի արեամբ ձերով ի մահ խաչին. բարեխօսեցէք առ Տէր վասն մանկանց եկեղեցւոյ: Մարտիրոսք ցանկալիք, և օթեւանք Հոգւոյն ճշմարտութեանն, որք յաղթեցիք հոգւով կարեաց և ցանկութեան. բարեխօսեցէք առ Տէր վասն մանկանց եկեղեցւոյ: Գովելիք աշխարհի, և բաղձալիք վերնոցն պետութեանց, որք երանութեան մասին հասիք քան զամենայն որդիս մարդկան. բարեխօսեցէք առ Տէր վասն մանկանց եկեղեցւոյ: Կամաւոր պատարագք, մանկունք տիօք և կատարեալք իմաստութեամբ. որք փոխանակ կաթին` արբիք զգինին զմայլեցուցիչ. բարեխօսեցէք առ Տէր վասն մանկանց եկեղեցւոյ: |
Ճգնաւորք ճշմարիտք, վկայք Քրիստոսի,
բարեխօսեցէք առ Տէր վասն անձանց մերոց: Նահատակք կենդանիք, սիրողք Քրիստոսի, որք չարչարեցայք մարմնով վասն անուանն Տեառն: Մարտիրոսք ցանկալիք, մարդկան ըղձալիք, հայցեցէք ի Սուրբ Հոգւոյն տալ մեզ զբարիս: Գովելիք վերնոց դասուց, պարծանք աշխարհի, խնդրեցէք զխաղաղութիւն տալ եկեղեցւոյ: Կամաւոր սուրբ պատարագք, հասակաւ մանկունք, հայցեցէք լինիլ և մեզ ձեզ պսակակից: |
Լոյս, արարիչ լուսոյ, առաջին լոյս, բնակեալդ ի լոյս անմատոյց. Հայր Երկնաւոր, ի դասուց լուսեղինացն օրհնեալ. ի ծագել լուսոյ առաւօտուս, ծագեա ի հոգիս մեր զլոյս քո իմանալի:
Լոյս, ի լուսոյ ծագումն արեգակն արդար, անճառ ծնունդ Հօր Որդի, յառաջ քան զարև անուն քո գովեալ ընդ Հօր. ի ծագել լուսոյ առաւօտուս, ծագեա ի հոգիս մեր զլոյս քո իմանալի: Լոյս, ի Հօրէ բխումն աղբիւր բարութեան, Հոգիդ Սուրբ Աստուծոյ, մանկունք եկեղեցւոյ ընդ հրեշտակս զքեզ բարեբանեն. ի ծագել լուսոյ առաւօտուս, ծագեա ի հոգիս մեր զլոյս քո իմանալի: Լոյս, երրեակ և մի անբաժանելի Սուրբ Երրորդութիւն, զՔեզ ընդ երկնայնոցն երկրածինքս միշտ փառաւորեմք. ի ծագել լուսոյ առաւօտուս, ծագեա ի հոգիս մեր զլոյս քո իմանալի: |
Անեղանելիդ Աստուած, Հայր ամենակալ,
ընկալ զաղաչանս մեր քոց պաշտոնէից: Ի Հօրէ ծագումն անճառ, արեգակն արդար. ծագեա ի յանձինս մեր զլոյսդ ողորմութեան: Ի Հօրէ բղխեալ Հոգի, աղբիւր բարութեան, լուսով քով լցո զմեզ յայսմ առաւօտուս: Երեք անձինք և մի բնութիւն, մի Աստուածութիւն, զՔեզ խոստովանիմք յաւէտ Սուրբ Երրորդութիւն: |
Ճանապարհ եւ ճշմարտութիւն եւ կեանք Քրիստոս. առաջնորդեա՛ հոգւոց մերոց. յերկրէ ելանել յերկինս:
Դուռն կենաց մտից Յիսուս. մոյծ եւ զմեզ առ Հայր քո եւ Հոգի. երգել միշտ զփառս: |
Ճանապարհ եւ ճշմարտութիւն եւ կեանք Քրիստոս. առաջնորդեա՛ հոգւոց մերոց. յերկրէ ելանել յերկինս:
Դուռն կենաց մտից Յիսուս. մոյծ եւ զմեզ առ Հայր քո եւ Հոգի. երգել միշտ զփառս: |
Խաղաղական Ժամ - Peace Hour
Նայեաց սիրով - Look with mercy
|
Նայեաց սիրով, Հայրդ գթած, ի քո ստեղծեալ գործս ձեռաց.
եւ զբանակս հրեշտակաց. տուր պահապան մեզ տկարաց, փրկեա զանձինս ի փորձանաց ի խաւարի շրջող դիւաց. զի ի տըւընջեան եւ գիշերի տացուք քեզ փառս անլռելի: Էին անեղ, անսկզբան` ծնունդ անճառ Որդի և Բան. Որ արարեր զտիւ գործոյ եւ զգիշեր ի հանգիստ քնոյ. Տուր ի ննջել` աչաց մարմնոյ, արթուն լինել մեզ ըստ հոգւոյ. Զի ի տուընջեան և գիշերի տացուք քեզ փառս անլռելի: Սուրբդ սրբոց Երրորդութիւն, զմեզ մաքրեա քեզ բնակութիւն. Շնորհեա ընդ մանկանցն առագաստի հանգչիլ ընդ քեզ ի յանկողնի. Տուր զհայցուած բարեկամին զփոխ երից նկանակին. Զի ի տուընջեան և գիշերի տացուք քեզ փառս անլռելի: |