Տաղեր - Poetic Hymns
Ծննդեան - Nativity
|
Ծագումն հրաշալի - Wonderful Birth
Ծագումն հրաշալի որ անյայտ էր ի մէնջ. եւ բանըն հայրական անըմբռնելի, հուր փայլակնացեալ եւ ի մարմնի բնակեցաւ անվընաս պահելով զարարածս ամենայն.
Ծագումն հրաշագործ որ ի կուսէն ծագեցաւ, ճառագայթելով զարարածս ամենայն. երկինըք ցնծային եւ երկիրս ուրախանայր. եւ Քրիստոս Աստուած ընդ մարդկան շըրջեցաւ. Առ քեզ ապաւինիմք ամենասըրբուհի. գերագոյն եւ հրաշալի եւ բաշխող բարութեանց. աղբիւր ես ծարաւեաց եւ հանգիստ աշխատելոց. եւ եղեր վերընկալ աստուածային բանին: |
|
Տեառնընդառաջի - Presentation of the Lord
Քրիստոս փառաց թագաւոր - Christ Lord of glory
|
|
Քրիստոս փառաց թագաւոր, այսօր եկեալ յընծայումն, կատարելով նա զօրէնս, քառասնօրեայ գալըստեամբն:
Զոր մարգարէն Եսայի, յառաջագոյն գուշակեաց, յԵրուսաղէմ քաղաքի, Սիմէոնի ծերունւոյն: Աստուածային հրամանաւն, կայր ծերացեալ ի տաճարն, ոչ տեսանէր նա ըզմահ, մինչև տեսցէ նա զօծեալն: Բարբառ եղև գալըստեան և ահագին որոտման, տաճարապետըն Քրիստոս, որ յընծայումն էր եկեալ: Ի գիրկս առեալ ծերունւոյն զԱստուածորդին և ասէր. մեծ աւետիք են այսօր նահապետաց ամենից, մեծ աւետիք են այսօր մարգարէից ամենից, մեծ աւետիք են այսօր առաքելոց ամենից, մեծ աւետիք են այսօր հայրապետաց ամենից, մեծ աւետիք են այսօր մարտիրոսաց ամենից, մեծ աւետիք են այսօր ճգնաւորաց ամենից, մեծ աւետիք են այսօր վարդապետաց ամենից, մեծ աւետիք են այսօր քահանայից ամենից, մեծ աւետիք են այսօր սարկաւագաց ամենից, մեծ աւետիք են այսօր ժողովրդոց ամենից, այլ մեծագոյն աւետիք քրիստոնէից համայնից: |
Ս. Յարութեան - Holy Resurrection
Նոր ծաղիկ - New Flower
|
|
|
Նոր ծաղիկ պայծառ ցուցաւ, այսօր ի նոր գերեզմանէն: Երեւեալ լոյս յարութեան, աւետիս,
ի խաւարի ստուերաց մահու, աւետիս: Յարեաւ Քրիստոս, աւետիս:
Երփնազարդ հոգւոցն տունկք կանաչացան կենդանութեամբ: Երեւեալ լոյս յարութեան, աւետիս,
ի խաւարի ստուերաց մահու, աւետիս: Յարեաւ Քրիստոս, աւետիս:
Րենական լուսոյ սաղարթք, ի հոգեւոր գարնան փթթեալք: Երեւեալ լոյս յարութեան, աւետիս,
ի խաւարի ստուերաց մահու, աւետիս: Յարեաւ Քրիստոս, աւետիս:
ի խաւարի ստուերաց մահու, աւետիս: Յարեաւ Քրիստոս, աւետիս:
Երփնազարդ հոգւոցն տունկք կանաչացան կենդանութեամբ: Երեւեալ լոյս յարութեան, աւետիս,
ի խաւարի ստուերաց մահու, աւետիս: Յարեաւ Քրիստոս, աւետիս:
Րենական լուսոյ սաղարթք, ի հոգեւոր գարնան փթթեալք: Երեւեալ լոյս յարութեան, աւետիս,
ի խաւարի ստուերաց մահու, աւետիս: Յարեաւ Քրիստոս, աւետիս:
Ս. Աստուածածնի - Holy Mother of God
|
Անճառին խորան - Altar of the unreachable
Անճառին խորան, Բանին բնակարան, Գովեալ Մարիամ սրբուհի, Դու վարդ անթառամ:
Ես իսկ չեմ արժան Զքեզ առնուլ բերան, Է քեզ երանի, տիրածին, Ընտիր Մարիամ: Թագուհի վերին, Ժառանգ երկնային, Ի քեզ պաղատիմ, Տալիթայ, Լոյս տուր իմ ակին: Խնկի ծառին նման ես - Like the tree of incense
|
Մայր եւ կոյս - Mother and virgin
Մայր եւ կոյս, աղախին Քրիստոսի, որ բարեխօսդ ես միշտ աշխարհի, քեզ երանեն ամենայն ազինք:
Մաքուր աղաւնի եւ հարսն երկնից Մարիամ, տաճար եւ աթոռ Աստուծոյ Բանին, քեզ երանեն ամենայն ազինք: Քեւ հաճեցան իմանալիքն ընդ հողեղէնքս, եւ քեւ մերձեցաք ի փայտն կենաց, քեզ երանեն ամենայն ազինք: Խնկի ծառին նման ես, պտուղ դու քաղցրահամ ես, զԲարի պտուղ բերեալ ես, Աստուածածի´ն, մեղա՛յ քեզ… Դու հողանիւթ սրովբէ ես, հարսն ի յերկրէ յերկինս ես, զԱստուած մարմնով ծնեալ ես, Աստուածածի´ն, մեղա՛յ քեզ… Դու յորդառատ աղբիւր ես, ծարաւելոց արբումն ես, Մեղաւորաց քաւիչ ես, Աստուածածի´ն, մեղա՛յ քեզ… Դու լուսեղէն տաճար ես, ոսկիապատ խորան ես, Դու մարգարիտ, անգին ես, Աստուածածի´ն, մեղա՛յ քեզ: |
Ս. Եկեղեցւոյ - Holy Church
Հաւուն հաւուն - Awakened bird
|
|
|
Հաւուն հաւուն արթնացեալ դիտելով զհեթանոսս: Ձայնէր, ձայնէր տատրակին, սիրասնունդ սիրելւոյն:
Դարձիր, դարձիր սոմնացիդ, ընդ վիմին հովանեաւ: Եկ, հարսնուհիդ, ի լերանց ընծուց դաշտաց այծեմանց:
Դարձիր, դարձիր սոմնացիդ, ընդ վիմին հովանեաւ: Եկ, հարսնուհիդ, ի լերանց ընծուց դաշտաց այծեմանց:
